"Sarı" Jurnalına müsahibə verən repçi intiqam almağa hazırlaşır - Hüseyn Dəryanın bu gün artıq adı qalıb. Etiraf edirsən bunu?
- Xeyr, razı deyiləm. Mən qayıdacağam, amma bilirsən necə çıxmaq istəyirəm? Əvvəlkindən də yaxşı. Yeni albomu çıxartmaq üçün mahnılar da hazırlamışam, reklama başlayacağam. Sadəcə, istəyirəm özümə gəlim.
- Keçən il də demişdin ki, «Özümə gəlim, sonra başlayacağam…». Hələ də özünə gəlməmisən?
- Yox, sadəcə, mənə söz verirlər ki, maddi köməklik edəcəklər, amma onların şərtləri məni qane etmir. Mənimlə qazandığımı yarı-yarıya bölüşmək istəyirlər. O da mənə sərf etmir. Münasib geyimlər, şəxsi maşınım olmasa, ortaya çıxmayacağam. Bu gün belə olmağımın səbəbi sənətdən uzaqlaşmağım deyil. Sənətə aid olan şeylər hamısı sənətdə də getdi. Mənim başımı qatdılar şəxsi problemlərimə, sənət yaddan çıxdı.
- Həyat yoldaşınla münasibət nə yerdədir?
- Birlikdə olmasaq da, münasibətimiz var. Keçən dəfə də uşaq möhkəm xəstələnmişdi, mobil telefonumu məcbur olub girov qoydum və müalicə pulu götürdüm. İndi telefonsuzam.
- Sənin də adın «qara siyahı»ya düşdü...
- O, Xoseyə görə oldu da. Həbs olunanda elə söz dedi ki, bütün reperləri qoydu «baqaj»a. Sonra da reperlərin hamısına qara yaxdılar. Ağlımda bu dəqiqə məni bu günə qoyanlardan intiqam almaqdır.
- Həmkarlarını nəzərdə tutursan?
- Əşşi yox e, nə «Dəyirman», nə Xose? Onların başı üçün deyil məni YOX eləmək. Mən Elşad Xoseyə rəqib kimi baxmıram! Bir insan ki saqqalını qırxdırıb mənim ayağımın altına atıb birbaşa efirdə, o mənə necə mane ola bilər axı? Nə isə, onların heç biri mənə mane ola bilməzdi! Mənim yollarım şəxsi problemlərimlə bağlı kəsildi. Kimə salam verirdim, uşağa qalırdı. Məni şantaj etdilər. Nüfuzdan salmaq üçün keçmiş prodüserim görüşdüyüm qadınla birləşib mediaya yaydı ki, Hüseyn Dərya narkomandır. Mən də bilirəm necə onlardan intiqamımı alacağam. Elə bilməsinlər ki Hüseynin evi yıxıldı, onlar da xoşbəxt ola biləcəklər? MƏNDƏN GÜCLÜ ZƏRBƏ GÖZLƏSİNLƏR !!!
