Rep ifaçısı Hüseyn Derya hebs edilib 18:23 04-12-2008
O, DİN Baş Mütəşəkkil Cinayətkarlıqla Mübarizə İdarəsində saxlanır Tanınmış rep ifaçısı Hüseyn Dərya həbs edilib. ANS PRESSin məlumatına görə, H.Dərya dekabrın 2-də Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən saxlanılıb. Onun üzərindən narkotik vasitə və bir ədəd qaz tapançası götürülüb. Hazırda cinayət işinin istintaqı DİN Baş Mütəşəkkil Cinayətkarlıqla Mübarizə İdarəsində aparılır. H.Dəryanın barəsində Azərbaycan Cinayət Məcəlləsinin 228-ci (qanunsuz olaraq odlu silah, onun komplekt hissələrini əldə etmə, başqasına vermə, satma, saxlama, daşıma və gəzdirmə) və 234-ci (qanunsuz olaraq narkotik vasitələri, psixotrop maddələri əldə etmə, saxlama və ya satma) maddləri ilə cinayət işi başlanıb. Reperin barəsində həbs-qətimkan tədbiri seçilib. Hüseyn Dəryanın həyat yoldaşı Sona xanım isə ANS PRESSə bildirib ki, onun yoldaşı narkotikadan istifadə etmir və tutulan gün də üzərində narkotik maddə olmayıb: "Həmin gün Hüseyn iki dostu ilə olub və onlarla birgə İdarəyə aparılıb.Mən bu gün Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində olmuşam, övladımızın metrikasını aparmışam ki, bəlkə azyaşlı uşaq olduğuna görə, onu azadlığa buraxarlar... Dünən oğlumuzun 3 yaşı tamam oldu, amma atası onun ad günündə iştirak edə bilmədi"...
