Gəncə şəhərində ana 13 yaşlı qızını ərə verib. Gəncə şəhər Polis İdarəsindən ANS press-ə verilən məlumata görə, şəhər sakini Malik Məmmədov həyat yoldaşı Təranənin azyaşlı qızını ondan xəbərsiz ərə verməsi ilə bağlı polisə müraciət edib. Araşdırma nəticəsində məlum olub ki, ana atadan xəbərsiz azyaşlı qızını 24 yaşlı Gəncə şəhər sakini Tahir Hüseynova ərə verib. Faktla bağlı Gəncə şəhər Polis İdarəsinin istintaq şöbəsində Azərbaycan Cinayət Məcəlləsinin 152-ci (on altı yaşına çatmamış şəxslə cinsi əlaqədə olma və ya seksual xarakterli digər hərəkətlər etmə) maddəsi ilə cinayət işi başlanıb, araşdırma aparılır.