Gürcü qızı toyunun ildönümünü və ad gününü qeyd edib
Müğənni Manana qızı Yelizavetanın 40-nın çıxmasını, toyunun ildönümünü, təzə mənzilə köçməyini və ad gününü dostları və müğənni həmkarları ilə birgə Bakıda yerləşən restoranlardan birində təmtəraqlı şəkildə qeyd edib.Məlumata görə, tədbirdə Eldar Mansurov, Faiq Sücəddinov, Vaqif Gərayzadə, Səməd Səmədov, İradə İbrahimova, Elnur, Sevda və Elmira Ələkbərzadələr, Zülfiyyə Xanbabayeva, İlqar Muradov və başqaları qatılıblar.
Faiq Ağayev dəvət edilsə də, o, tədbirdə iştirak etməyib. Məclisi isə aparıcı Yusif Ağayev idarə edib.
Tədbir iştirakçıları Manananı həyatındakı mühüm hadisələr münasibəti ilə təbrik ediblər. Xatırladaq ki, gürcü qızı Manana Çaparidze keçən il yanvarın 8-də Bakıda həmyerlisi Georgi ilə ailə həyatı qurub